胸部變細的原因

魏雯青

有邊個女仔唔想「咪咪」大啲，大啲，再大啲？但係喺你哋搵緊方法變大嘅同時，原來有一啲壞習慣係會令胸部變細架！唔快啲改善呢啲壞習慣嘅話，再努力變大都係徒勞無功～





壞習慣一：經常著BraTop
有啲女仔鍾意著有胸墊嘅背心或者Sports Bra去取代「爸爸」，因為比較舒適、冇束縛。但BraTop其實冇咩承托力，長時間穿著好易令胸部下垂。而有啲Sport Bra就因為太緊，會壓住胸部，妨礙胸部生長，做完運動就好除咗佢喇。





壞習慣二：偏食
好多女仔因為怕肥就唔食肉、唔食油膩嘢，但想胸部更豐滿，其實要吸收多啲蛋白質同適量嘅脂肪。如果因為退肥而節食，會連咪咪都一齊縮水架。食多啲蛋、魚、瘦豬肉、雞肉、豆顃等，就健康得嚟又可以豐胸啦。




壞習慣三：駝背
駝背會令胸部周圍嘅血液循環變差，令胸部需要嘅養份無法有效咁被傳送同吸收，支撐胸部嘅胸肌就會慢慢衰弱。另外企直啲都會令胸部望落挺啲架～




壞習慣四：睡姿不良兼唔戴bra
有冇sis瞓覺鍾意唔戴bra呢？其實小編都覺得瞓覺俾「爸爸」束住好唔舒服。但因為我哋瞓覺嘅時候，胸部完全冇承托，就好易變型。尤其係習慣側睡嘅sis就更加要留意吓喇，快啲換返個舒服嘅bra瞓覺時戴啦。另外，如果鍾意趴住瞓嘅sis就更加要改正喇！長期壓住胸部，後果係點你知啦～




壞習慣五：唔試就買Bra
去買Bra最煩唔係揀款，而係試bra！試一試，要除哂所有衫，真係好煩。不過唔好以為知道自己嘅size就可以買啱bra啊，其實個個brand嘅bra size都唔同，所以一定要試清楚先買啊。戴過大嘅bra會令胸部下垂，而過細就會阻礙胸部發展。如果唔知點揀好就搵專業嘅店員幫幫手啦～

想咪咪變大真係唔易架，但就算變唔到大，都唔好令咪咪縮水啊！快啲改善以上嘅壞習慣啦～　

lookforptgfff

Cccccccc'cccc

manyiuuuuu

ccccccccccccccccccccccccccccc