情人節送禮給男友攻略!

BoTan

何必呢...何必...呢...錢又駛咗，心思又花咗，時間又無咗，換嚟佢一個O嘴，只係因為你買—錯—禮—物！

好啦，我哋特登用咗個lunch time走訪中環某甲級商廈13樓，由數十位（自稱）型男歸納出以下幾項你應該避開嘅情人節禮物，又袋錢落你袋喇！

電子遊戲產品
佢明明想要PS4但你買咗部Wii U，佢明明想玩Battlefield但你送隻Mario Kart比佢—送錯禮佢當然「唔老黎」，但最壞下場都不過係一場歡喜一場空，最驚嘅係你竟然送啱咗，佢日玩夜玩，你直頭連個男友都無埋。

電子產品
男友想換相機換電話換tablet？咁你識唔識分HSDPA同埋WCDMA？知唔知CMOS同CCD有乜分別？唔知？咁等佢自己換飽佢啦，其實呢，所有同「電子」有關嘅嘢你都係唔好掂，留返比個男人自己揀嘅。

衫褲鞋襪
係，你潮流品味已經走在時代尖端，taste無問題、size亦無搞錯，送衫本身件事係無錯嘅，但你估我唔知你籠嘢呀？你一早買定兩件weekend情侶裝著出街啦！其實呢，除咗返工返學之外，大家真係唔應該著住一模一樣嘅衫出現公眾場所嘅。（又，除非你係余安安而佢係薛芷倫啦）

好啦好啦，送錯禮唔係女人專利嚟嘅，萬一送錯嘢嗰個係佢你又應該點呢？夾硬爆一句「嘩，我好鍾意呀喂」實在太考你演技，呢個時候你對4吋高踭鞋就大派用場啦！立即用右腳踭大力踩左腳腳背！痛到標眼水嗰下立即微微笑，效果應該係咁（見圖），保證佢感動到抱實你冧豬豬呀。

chauchaubr2

有心送禮，對方都會好感動

痛極瘋人

i wanna learn the present for girl tho

asd123

其實用心就得...

asd123

送咩都感動

chanpee

thanks for shraing

mmrlin

Thanks for sharing~~!