一齊認識吓愛滋病毒同愛滋病

choicecare

一齊認識吓愛滋病毒同愛滋病

愛滋病病毒嘅學名係「人類免疫力缺乏病毒」。呢種病毒會破壞人體免疫系統，令感染者抵禦唔到疾病入侵；都冇辦法去除呢個病毒，成世都需要同呢個病毒並存。

係感染初期（大約兩至四個禮拜），感染者身體會對病毒作出反應，出現類似流感嘅病徵，包括發燒、疲倦、喉嚨痛、皮疹、腹瀉和淋巴腫脹，並可以持續幾日至幾個禮拜。

接著就會進入無徵狀階段，可以維持十年都望落健康正常。不過，病毒仍然活躍，隨時傳到俾其他人。如果感染者一直冇接受抗病毒治療，免疫系統就會嚴重受損，好容易受到一啲通常對健康嘅人不會致病嘅病菌和病毒再感染，發病成為愛滋病患者。

相反，接受治療就可預防愛滋病同延長感染者壽命，因為現時已有抗愛滋病病毒藥物，可以抑制病毒複製，以及修復免疫系統。

換句話說，其實唔係所有人感染愛滋病病毒都會進入病發階段。雖然目前感染愛滋病病毒依然無法根治，但及早接受治療嘅感染者同樣可以過返健康、有質素嘅生活。

點解做快速測試咁重要？
就係因為以上病徵可以由其他疾病所引起，我哋唔可能確定、又或者唔察覺自己係咪已經染上咗愛滋病毒，所以有疑慮就應該要接受愛滋病測試，以保障自己、伴侶、家人健康。

資源來源：香港家庭計劃指導會
—-----—-----—-----—-----—
◤再思社區健康組織◢（NGO）

性健康諮詢;
免費、不記名、保密、
愛滋病毒/梅毒快速測試

☎電話: 3188 9024