其實性病測試無想像中咁尷尬

yukiyuki1920

之前分別去過政府同ngo度做性病測試
覺得真係幾好 工作人員解釋得好清晰 重點係免費
我簡介下佢地既檢查流程 比你地知道下其實無想像中咁尷尬
因為某幾種性病係唔可以完全根治 有復發機會 例如椰菜花同陰部疱疹
愛滋病都係其中一種無得根治既性病 只要係不安全性行為3個月之後做性病測試
及早發現同接受治療先唔會引致併發症甚至死亡
聽落好似同自己無咩關係 但睇返數據每年都有唔少香港人患上性病
自己去定期check下都無壞 保障返自己同伴侶既健康

ngo既話我去過既通常都係做快速測試 都係免費同匿名
1. 首先打電話/send message預約做測試
2. 去到個日簽同意書
3. 護士會幫你做風險評估​, 解釋一陣進行既測試詳情
4. 護士係你手指頭抽取少少血液擺落測試紙
5. 大概幾個字之後護士會解釋試紙上既結果你聽
6. 如果真係受感染, ngo通常會提供返相關跟進服務, 有d會陪診添

政府社會衛生科就可以驗多幾種病毒
1. 首先護士好簡單詢問下你性經驗
2. 之後見醫生傾下計，佢除左問你既性經驗，都會詢問你肯唔肯抽血先開始做測試
3. 抽取性器官分泌物同抽血
4. 如果醫生發現你有病徵會即時通知你，再處方藥物
5. 護士會簡述返性病起因，提醒注意事項，再提醒你三星期後睇報告
6. 最後拎藥就走得