偷食的男人!!

fungling

就算佢口口聲聲話無對唔住你，最穩陣嘅方法，都係觀察佢嘅實際行動！

1.神秘失蹤：喺平時佢會出現嘅時間，連影都無埋，而且失蹤頻率非常之高。遇到過時過節，他會喺最唔適合、最古怪的時候現身，例如情人節約你食早餐。

2.答案模糊：你問佢去咗邊，佢只會籠統咁答：「同同事食飯囉！」對於同邊個人一齊、去邊度食、食咗咩等細節隻字不提，令你聽完好似無聽咁。




3.突然轉性：以前死氣沉沉，而家就容光煥發，成個人好似充滿能量咁，仲突然對你好好，又送花又送手袋，佢咁做，無非係想分散你嘅注意力；如果佢以前好錫你，而家就對你冷冷淡淡，亦有可能是他出去偷情嘅徵兆。

4.奇怪來電：佢嘅電話會出現古怪來電/message。電話一響，他就表現緊張，神神秘秘，或者成日要行埋一邊傾。



5.時間表大執位：佢可能會比平日早出門口，遲返屋企，出去食lunch都食成三粒鐘。一向死唔OT嘅佢，突然好搏命加班。

6.神秘新相識/嗜好：他透露自己識咗班新朋友，要出去應酬，但又唔俾你同班新相識見面。又或者無端端話報咗個興趣班，每星期有兩日都要上堂。




7.仇視「同行」：當喺電視、電影看到男人偷食嘅情節，佢就變得好激動，例如勁鬧個男主角係衰人，或者一粒聲都唔出，額頭冒汗。  

疑心checklist
雖然你想搜查男友一腳踏多船嘅證據，但過分多疑，冤枉好人，亦會傷害兩人的感情。 問問自己以下問題，越多YES，代表你嘅多疑指數越高。
1. 對於被人取笑或拒絕，你會表現過激嗎？

2. 你以前曾試過被情人背叛嗎？

3. 你曾經對伴侶不忠嗎？

4. 你是個武斷的人嗎？

5. 你是否時常想捉緊男友，很害怕失去愛？

6. 你和男友之間，還有些問題未解決嗎？

7. 你是否還有些個人問題未處理好，令你好無安全感？

8. 你是否相信，個個男生都會出軌？

9. 你的父母，曾對配偶不忠嗎 ？