Condom絕不能這樣用!否則好大機會出事!

魏雯青

將個安全套套落去陰莖唔係難事，但唔係個個人都用得正確，咁樣即係用咗安全套都唔係幾安全！


錯誤1：使用油性潤滑劑

危險：油性潤滑劑如凡士林，容易破壞安全套嘅latex物料，建議使用水溶性潤滑劑，而家坊間有好多選擇。




錯誤2：使用「千年」套

危險：有啲人將安全套放咗响銀包唔知幾多年先攞嚟用，咁樣好易增加造成損壞嘅風險，而長期俾陽光照射到嘅地方亦唔係理想嘅存放點。




錯誤3：同一個套發現戴反了，直接反返轉再套上。

危險：由於其中一面已經「用過」，安全起見，都係唔好慳，開過個新嘅嚟用好啲。





錯誤4：用利器剪開包裝

危險：咁會提高唔小心刺穿安全套嘅風險！



錯誤5：完事後求其抽出陰莖

危險：咁有可能將安全套剩低喺陰道內，同時較易造成精液流咗入陰道裏面，正確嘅方法係趁陰莖仲硬時，按住安全套口嘅邊緣將陰莖同安全套一齊抽出。



錯誤6：套住陰莖一半就算

危險：如果只套住陰莖一半，咁就會戴唔穩，正確方法係將安全套套喺勃起嘅陰莖前端，跟住按住安全套嘅前端，將安全套捲開，套住成個陰莖直至陰毛處。




錯誤7：進入咗中途先至用套

危險：咁樣預防唔到性傳播疾病，亦增加意外懷孕風險！



錯誤8：無按壓出安全套頂端嘅空氣

危險：安全套前端嘅位置係要預留俾射精時盛載精液嘅，戴上之後要用手指揑一揑，揑走裏面嘅空氣。

香香公主

仲有呀，我吹同做要分別用兩個全新的套先夠安心!