大家會唔會有自己一套護膚方法?

tiktik0312

想靚，當然要落足心機護膚。不過，又唔一定要用晒最貴嘅產品先係好嘅。我哋身邊有唔少又平又易搵到嘅材料，都可以用嚟護膚，而且效果仲一啲都唔差！

	洗米水 洗米過程中，白米含有嘅水溶性維他命同礦物質會溶喺洗米水中，例如維他命B就有抗敏、美白等功效，令肌膚變得光滑、有彈性。而且洗米水來自天然，性質非常溫和，敏感肌都用得。 用法1：想護膚成分更濃縮，可以將洗米水靜置一晚，倒走面層嘅水分，取最底層的乳白色米水使用，用作日常洗面/洗手之用。 用法2：將面膜紙放入洗米水中浸透，再用來敷面10-15分鐘。 小貼士： 第1次嘅洗米水雖然營養最豐富但雜質較多，建議用第2轉嘅洗米水，會乾淨啲。
	蛋白 蛋白含有豐富蛋白質和水分，有緊緻肌膚、收細毛孔之效。 用法1（緊緻面膜）：將蛋白敷在面上10分鐘，然後洗走。 用法2（去黑頭鼻貼）：將蛋白敷在鼻上，再蓋上一層化妝棉，待乾透後撕走。 小貼士： 部分人肌膚會對雞蛋敏感，有機會引致肌膚紅腫，而且蛋白可能帶有細菌導致肌膚感染，未必人人適合使用，要注意風險。
	蜜糖 蜂蜜含有葡萄糖、果糖、蛋白質等成分，可滋潤肌膚，亦有抗炎和修護肌膚的功效。內服外敷同樣有美容效果！ 用法：可單用蜂蜜或混合蛋白敷面，10-15分鐘後洗走。 小貼士： 市面有部分蜜糖加入糖漿製成，並非純正蜂蜜，宜選用有機全天然的蜂蜜，才更見效。
	橄欖油 幾千年前地中海一帶已用橄欖油作護膚用途，它含有豐富不飽和脂肪酸和維他命E，除了可滋潤肌膚，也有抗氧化的功效。 手部磨砂：以橄欖油混合粗鹽或砂糖按摩雙手，可以去角質兼滋潤手部肌膚。 護髮膜：洗髮後將橄欖油均勻的抹在髮絲上（避開髮根位置），再用熱毛巾包裹頭髮15分鐘。 小貼士： 橄欖油有級別之分，不是全部都可用作護理，建議選用純度較高的初榨橄欖油。
	麥片 燕麥除咗可以吸走體內嘅膽固醇，原來都可以吸走面上嘅油脂！麥片性質溫和，用來做面膜，是非常適合混合性和油性皮膚的平價護膚之選。 控油面膜：3湯匙麥片加入適量牛奶（也可按喜好加入蜂蜜或蛋白）混合，敷在面上10分鐘後洗去。