難以向男友啟齒的3件事！

kaibi1314

有啲事，你好想開口話俾男友知，但驚hurt到佢，又怕佢知道之後會發癲……其實如果你識得一啲說話技巧，揀適當嘅時候開口，情況會比你想像中好得多。

「分手啦！」

幾時講：唔好同佢如常約會、玩完、睇完戲先同佢講，咁做一定令佢晴天霹靂，亦會令佢好憎你。

點講：不妨喺電話度同佢講，避免自己見到佢不知所措嘅表情，佢亦會好過啲，而你直接同坦白嘅態度會令佢更易接受。

心理準備：他可能會講出一啲好難聽甚至踩你嘅說話，唔好放喺心上，佢只不過係維護自己嘅自尊心罷了。

「我有咗！」

幾時講：盡快同佢講，等佢有多啲時間諗清楚應該點，唔拖得！

點講：要開口並唔容易，不過一定要直接話俾佢聽，叫佢坐低，同佢講：「我有重要嘢要話你知，我有咗。」

心理準備：佢可能會有極端嘅情緒反應，可以好激動，但又可能好冷漠，因為佢覺得迷惘，唔知點反應。

「我背住你同第二個dating。」

幾時講：當你哋單對單嘅時候先好講，如果有其他人在場，佢可能會因為面子問題而講出一啲唔應該講或者令佢後悔嘅說話。

點講：如果你嘅目的係想分手，不如直接講分手，方法參考上文「分手啦！」。如果你想挽救呢段感情，最好先問問自己點解你想話佢知呢件事，係內疚？想激佢？無論如何，假如你決定要講，就要表示歉意，「我係一時做錯咗，可唔可以俾次機會我？」

心理準備：佢一定會好嬲，但既然你決定提出，即是將個決定權交俾佢，所以你一定要俾啲時間佢。

bidai

LZ辛苦了，支持一下！











bjcars.net

nestse

有道理喎...............

mmrlin

Thanks for sharing~~!

rong

支持一下！

czche

seeeeeeeeee

winning1007

講得岩R都....

Guezz

Cccccccccvvvvv