淘金女跟老金礦的公平交易

BoTan

草根出身、讀書唔成、沒有工作，KiKi卻住在凱旋門，Audi代步，日日Shopping High Tea，月月出國旅遊。KiKi宣稱那個四十多歲比自己老竇還細幾年的中坑是自己的男朋友。

Tommy說：「俾人包就俾包啦！仲夠膽死成日Post自己同個中坑食埋曬啲生勾勾嘅貴價日本野，方死人唔知自己俾人包，都唔知個醜字點寫。」

Jeff說：「咪係！講到尾，咪係做雞。冇廉恥！」

我問Tommy跟Jeff：「喂，如果呢，你地係個中坑啲Friend，見佢帶呀KiKi出黎話係自己女朋友，會點睇？」

Tommy想了想後說：「老實講，應該會幾葡萄。因為我去到嗰個年紀，如無意外結咗婚生咗仔嘅話，日日番去就係對住個人老珠黃嘅師奶老婆。而個Friend可以同個又白又滑有腰有腳嘅後生女一齊，真係又羨慕又妒忌。」

Jeff緊接著說：「其實佢都幾威威嫁。雖然個樣就係一個地中海肥佬，但係隔離有條咁正嘅女，係樣衰呀吹咩，慘得過我有錢，啲女個個痴埋黎。」

我又問：「你地話呢個KiKi係俾人包，覺得佢唔知醜、冇廉恥。但係你地又唔會話包佢嗰個中坑唔知醜、冇廉恥，仲覺得可以包個o靚妹係有能力嘅象徵，又葡萄佢，又覺得佢威。請問兩位用咩標準同邏輯？」

Tommy：「話佢唔知醜、冇廉恥，就係因為佢咁同做雞冇分別！」
我：「照你地咁講，如果佢係雞，咁個中坑即係嫖客啦。咁兩位道德警察覺得做妓女嘅係唔知醜、冇廉恥。但係嫖妓嘅人就冇問題？」

Tommy跟Jeff有點老尷又有點氣憤地同聲大叫一句：「x，講呢啲！」
然後Jeff說要去廁所，Tommy說要打個電話，就這樣終結了這次討論。

我在想，所謂的「不道德交易」，就是要有買有賣，才生成「交易」，如果不道德，那麼買賣雙方根本都一樣。人們之所以覺得妓女、毒販比嫖客、道友更大罪、更不道德，是因為相信一切的罪，都該歸究於供應者，如果沒有人賣淫、沒有人販毒、就沒有不道德的性交易，亦沒有人沉迷毒品。但其實真正令一切發生的，根本是人要沉淪、要犯罪的慾念。

但老實說，這個世界，誰做妓女，誰俾人包，關我們這些旁人夏秋冬事？只要有人自己願意賣，有人又願意買，你覺得多不道德都好，你的道德價值對他們而言只是放屁。既然影響不了誰，就只是兩個之間你情我願的交易，那麼KiKi跟中坑到底是否包養及被包養的關係、是否懂如何寫個醜字、有沒有廉恥，都根本與他人無關。

有女人因為貪錢而痴埋去那些有錢佬身邊，但同樣地，那些有錢佬讓貪錢的女人痴，其實不也是貪色嗎？一個貪錢，一個貪色，有來有往，等價交換，各取所需，根本沒有誰比誰著數，也沒有誰比誰更沒廉恥。

交易中的道德，就是公平，即是沒有一方剝削另外一方。那麼，只要淘金女跟老金礦兩者都覺得Okay，就是公平 。

覺得不道德，是因為我們都錯用了衡量人類倫理感情的那套準則去理解這種關係，但其實我們在看的，根本，只不過是一場交易。

港姐: www.facebook.com/hellomisskong

ChanBell@FB

TungChan@FB

根本呢個世界男同女唔可以用同一標準, 如果情況調轉係女包男一樣係話過女多d

雷大神@FB

財貌交易

男方出前者
女方出後者

可是........
女方美貌會隨歲月而消失(那即是貶值資產,而且可代替性也極高)
但男方的身家通常都很穩定
有錢的男人通常也不會是傻瓜
女人就算再怎麼傾國傾城,也只有二十多年時間,所以只好搵快錢,趁後生就溝多幾件
好了,就算可以傾國傾城到40歲,到時玩到殘又有冇人要你??(畢竟世上沒多少個鄭多燕XDDDD)

最後,港姐的文章真的要多看~~

beachman

Thanks for sharing

nestse

bingo
i agree

痛極瘋人

im rich, young, good looking n educated. come one girls!!

asd123

一老一嫩既畫面好核突

netstorm

thx for sharing

crazy88man08

that's the true always with rich guys