|
|
我係一個80'後, 已經到盛女/剩女年齡...
對於感情好認真, 寧缺勿濫, 係依段感情之前, 我單身左三四年
我同依家個男友係由朋友關係發展成情侶已經3年
近黎佢公司買左個雲端侍服器(DS CLOUD)
依度解釋吓咩係雲端侍服器: 可upload同dowload檔案同相片, 其他有acc既人都可以上網分享資源
點知俾我係個網度發現一系列既親蜜照同床照,
分門別類: X和豆豆, 我最想和老婆去的地方, 非禮勿視
真係如雷轟頂, 所有野明晒......依個豆豆就係佢之前提過既大陸富二代小姐
依個就佢某晚係床度用手機俾我睇, 問我靚唔靚既女人
依個就係佢掛在口邊會幫佢搵到好多大客既那位(佢做保險)
依位就係送佢TOD'S 豆豆鞋既"豆豆", 難怪.......難怪屋企多左SWAROVSKI筆(情侶筆), HERMES香水
COME DES GARSONS T-SHIRT仲要係SHARP PINK
由相片中得知佢地經常係香港出相入對
並且已經開過房
應該唔止一兩次
點解開房前後都要影相?!?!!
我睇完之後, 心痛..........拿刀吉我都無咁痛, 傷心到無法形容, 係屋企嚎啕大哭......
喊到成個垃圾筒都係紙巾
喊完我覺得好嬲, 嬲個賤男人卮左我咁耐......我更嬲我自己軟弱曾經一次又一次咁原諒佢,
係我俾機會佢傷害我!!! 我以後唔要再俾機會佢黎傷害我!!!
<以下可選擇閱讀>
初時同佢一齊果陣真係日日耳邊都好似播緊<來自星星的你>You are my destiny...
經常世界各地周圍去玩, 我地好夾好夾, 我一直深信佢就係我既命中註定
好快我地就住埋, 一年前...同99%情侶一樣我地都經歷左感情變淡......
佢由果陣開始好唔黐家, 日日都話再見客, 飲酒吹水到天光先返黎, 因為佢做保險, 我都無諗咁多
試過有幾次, 天光都唔返黎, 手機打唔通, 朝早十點幾返黎完全無酒味,
佢聲稱同frd去左揼骨, 或是話去左朋友度瞓......
女人既直覺係一樣好神奇既野!
有幾次我無聊hack中佢手機, 發現佢whatsapp, wechat, 陌陌全部都係女同女, 大陸香港咩都有
談話內容曖昧, d女會send d 性感相俾佢
手機d相除左我同佢既, 其他都係同唔同既囡囡出街, 參加淫亂home party, 飲酒既相...
嘈過好多次, 講分手講過好多次, 佢既解釋係我同佢地(女女們)鳩up渣! 生命中最愛都係我。
後來佢手機密碼轉左, 而且好小心唔俾我知
我念在咁多年感情, 又好難再搵到個咁夾既, 一直啞忍, 隻眼開隻眼閉,
其實一早已經無左情人最應該有既信任 !
一 d close既朋友知道都佩服我既忍耐力, 我自己都覺得好神奇!
今次我要將依件事打係度, 係想告誡各位姊妹千奇唔好學我, 同時想你地幫我做個見證,
我唔會再返轉頭咁衰女架啦!!!!!
|
|
雷達卡
發表於 2014-10-11 21:46:16
提升卡
置頂卡
沉默卡
喧囂卡
變色卡
千斤頂
顯身卡