|
古語有云：「瘦田無人耕，耕開先有人爭。」你可以等你個情人，但情人節唔會等你囉！若果你收收埋埋幾個觀音兵嘅，咪當普渡慈航，搵個陪你過彼岸……呀唔係，陪你過節順便提升吓個人魅力同自信心囉。唉，啲男人咪又係成日拍散拖拍到啱為止，我嗰時都等呀等咗幾年先有景呀陰公……咦我做乜講呢啲，返正題！觀音兵嘅嘢，收放都要有技巧架！
Dos
-揀啱對象
假設你有得揀，唔該揀個正正常常舉止得體嘅，學某港姐話齋，亂咁拍拖，會整花自己個profile架！成個禮拜唔洗頭、件西裝大咗兩個碼、成日自己陰陰笑嗰啲就免喇。
-製造機會
觀音兵嘅共通點係只敢遠觀而不敢褻玩，所以就要靠你製造機會比佢喇，早兩個禮拜話佢知你無人約好得閒囉，至於褻唔褻玩……咁大個人你自己決定喇。
-擁兵自重
就算你level係高登女神級數，都應該留返小小良心，過得人過得自己，若果佢做junior搵幾千蚊一個月嘅，就算佢book咗你最鍾意間酒店嘅champagne dinner 你都咪鬼應承啦，要人為咗你一時嘅歡愉而捱成個月白麵包，你之後都唔安樂啦。
Don’ts
- Great Expectation
佢係觀音兵，唔係你男友，記住保持適當距離唔好令佢期望太高以為自己已經得米。Honey呀BB豬呀嗰啲禁語就算飲大兩杯都千祈唔好講出口。雖然情人節同佢過呢件事本身都可能會令佢諗多咗，不過情人節同一年其他364日一樣都要食飯嘅，食得小心啲囉。
-遣兵調將
「觀音兵雖然不是你的男朋友，但對你卻比男友更好。」所以好容易令人唔覺意沉醉響被供奉嘅快感之中，差遣呢個調配嗰個，結果就錯失咗啲良緣嘞。唔該你時時刻刻提醒自己，唔好太高姿態嚇走有potential做男友嗰批呀！
| 
雷達卡
發表於 2014-2-8 12:35:33
提升卡
置頂卡
沉默卡
喧囂卡
變色卡
千斤頂
顯身卡
發表於 2015-2-7 10:15:25