曖昧訊息攻防戰 JKのLINEあるある

魏雯青

相信每個少女都經歷過與心上人傳訊息時嗰種心跳加速嘅心情吧!早前日本LINE有個廣告主題係「JKのLINEあるある」（女子高中生的LINE二三事），女人睇完一定超有共鳴，男人睇完又會覺得女人好可愛!就算已經同另一半老夫老妻，都不妨睇睇以下14個情況，一齊回憶昔日暗戀、同人曖昧嘅青澀味道!

#01 就算冇特別意思，都會不斷翻睇與對方嘅對話記錄，自己陰陰咀偷笑。

#02 回味到一半時，突然收到短訊，唔小心變咗秒讀，好醜怪呀!

#03 收到對方短訊，心情立即超high，喺屋企跳起身尖叫。

#04 Text對方後為咗要睇到對方「已讀」一刻，會集中精神望實手機。

#05 當對方回覆後，專登放低手機唔立即「已讀」，令對方心急吓都好。

#06 聽到手機通知聲，仲以為係心上人回覆即係check，點知係第二個，嗰種失落難以用筆墨形容呀!

#07 當對方仲係「未讀未回」，但就更新咗fb，好傷心呀，原來我一啲都唔重要……

#08 每隔3秒望一望手機，要等到對方回覆為止，覺得時間過得好漫長!

#09 點知等等吓瞓著咗，最慘係開住對話畫面，對方喺我瞓咗時回覆，見到我「已讀」又唔回，佢會唔會誤會我唔想理佢架，OMG!

#10 對方約我星期六出街，明明好得閒，係都要扮忙回覆話有約，點知內心又好怕佢唔再約我，懶有矜持!

#11 再一次等緊對方回覆，當手機傳來通知聲即刻好緊張，點知又係搞錯。

#12 唔小心send咗啲奇怪貼圖，又或者打字時手機auto correct一啲好蠢嘅詞句，好擔心會影響佢對我嘅印象。

#13 最後決定直接講出自己想法，「我星期六得閒呀，一齊去睇戲啦!」對方解釋返原來頭先沖緊涼未回咋，yeah!

#14 當幻想緊星期日嘅美好時光，又loop返#01重睇對話內容，發覺自己有好多錯字……