點解男朋友唔肯係FB公開關係...

fungling

有啲人拍拖，鍾意快快手喺Facebook公佈同另一半嘅戀愛關係，但亦有啲人唔係好想，尤其係男仔，點解嘅呢？

如果男生表現得唔係好想咁揚，其實又唔使諗得咁複雜，原因可能好簡單、直接，例如：





1. 有被迫嘅感覺：

如果女友用具有威逼意味嘅方法去叫男友咁做，可能會令佢感到有份壓迫感，更加唔願做。




2. 唔想煩：

如果佢喺社交媒體上嘅朋友好多，當中又有客戶、又有好多唔係咁熟嘅人，佢唔想隨便公開感情關係都係可以理解嘅。





又或者佢驚住一公開呢啲嘢，就會忽然俾其他人問好多問題，忽然由平民變咗明星。






3. 覺得無必要：

某程度上又真係未必好有必要特登改個Facebook status，尤其如果佢身邊嘅朋友 / 同事都已經識得你，個個都知道你哋係一對。





4. 時機未成熟：

有啲人開始拍拖兩日就已經帶埋新男友/女友同屋企人食飯，有啲人比較內斂啲、慢熱啲，尤其係初初開始拍拖，大家都未係好了解對方嘅階段，會想謹慎少少，呢種想法未必係因為自私，其實亦可以睇成成熟嘅表現。





咁點為之時機成熟呢？有幾個狀態可以作為參考：




1. 當大家拍拖關係變得穩定，已經互相認定對方為男朋友/女朋友。





2. 大家都認識晒對方身邊重要嘅人，甚至認定對方為結婚對象。



3. 雙方都覺得舒服，唔覺得odd。

4. 如果你真係好懷疑佢，不妨睇睇 :「7個男友出軌先兆！」。