你愛著T-back嗎?咁你就要小心喇

瞳兒

穿T-back會引致發炎？







夏天係姊妹們show身材嘅好時機，為咗完美嘅視覺效果，著貼身裙或褲時，一條小小嘅T-back底底真係好幫到手。不過坊間盛傳着T-back底底容易令女生下邊發炎，令好多人滿頭問號，又要靚又要命到底係咪天方夜譚？其實只要清楚T-back嘅特性，就識得決定T-back底底們嘅去或留！






不安全狀況

1. 對於容易有尿道炎或陰道感染嘅體質，都係少著為妙，因為大部分T-back底底為求性感，多數選用喱士等不透氣布料，容易滋生微生物。




2. 只有貼住下體嗰塊布係純棉絕對唔夠安全！因為如果外面嗰一層布並唔容易透氣，仍然會阻礙透氣度。




3. 如果你經常著skinny jeans、leggings呢啲採用彈性物料嘅衣飾，即使條T-back底底係全棉造，透氣度仍然唔夠高。



4. T-back底底都有「多布啲」同「少布啲」嘅分別，如果後幅幼到似條繩咁就比較危險，因為容易同幼嫩嘅外陰和陰蒂皮膚產生磨擦，造成磨損。



5. 由於嗰塊細細嘅布好容易移位，增加細菌由A點帶到B點嘅風險，所以做運動、跳舞或預計自己會作出大量大動作時，都是少著為妙。





6. 有啲人因為著T-back而剃走外陰附近嘅毛髮，其實咁樣做會增加感染風險，因為毛髮本身可提供保護外陰的cushion作用。





7. 如有痔瘡問題，可令情況更嚴重。





較為安全的狀況

1. T-back底底要全條都採用透氣物料製造，如純棉。







2. 如果身體健康狀況好好，加上有良好嘅個人衛生習慣，T-back底底應該唔會引致發炎嘅。當然，如果有任何疑問，或者著咗後覺得唔舒服，就要問返醫生或者專業人士嘅意見。