必瘦站 Perfect Medical 超級黑店

Ahmi

$98試做保濕 騙買$7.2萬療程

https://hk.news.yahoo.com/98%E8% ... 8%8B-225023665.html

今日報紙有賣, 我有類似經歷.

之前見到必瘦站(Perfect Medical)廣告 $1888去眼袋, 10次療程, 無效包退
於是上去試下, 點知上去到, 佢話我面部皮膚有D鬆, 就咁1888一定唔得, 托唔起對眼.
然後佢獅子開大口, 整左個10萬蚊既療程比我, 話全臉提升, 整好晒包埋對眼.

我睬佢都傻, 立即起身啦, 之後佢立即改口, 話優惠價6萬蚊比我, 見同我有緣.
我繼續行, 佢再減價5萬.
最後佢減到3萬, 整好晒對眼加面部皮膚收緊.

我於是幫襯.
除左$1888 10次既去眼袋, 另外升級左部eye magic, 話會有效好多, 不開刀眼袋bye bye.
最後我做左大半年, 所有療程都做得8,8,9,9. 效果係零. 一d效都冇, 眼袋依舊.

同佢地理論, 佢地聲稱有改善, 叫我再買療程. 但我照左鏡好多次, 冇一個朋友話我有改善到!

無效包退是假的, 只憧騙你不斷買療程, 升級服務. 買又買了, 升又升了, 結果還是一D效都冇. 她們只會不斷浮誇地話你好左好多

約左3點正, 好多時3點半先有得做, 試過等兩個鐘, 客人D時間唔寶貴?

香港十間美容9間呃人, 做到咁大間, 聲稱上市公司, 原來D錢係咁樣賺
我奉勸大家share出去, 比人知呢間黑店

gracekaoricos

佢地最叻用試做價呃你上去hard sell.
已經越來越多人知佢地衰野.
而家佢地出到免費試做呃人上去

Perfect Medical開6千蚊做一次皮秒, 根本貴到痴晒線
而家去美容店一定要搵良心店
http://bit.ly/2P1JLVS
我去上面做, 除番開$1XXX一次皮秒, 仲要打3 round, 試做價都係$488

kaibi1314

上面兩個垃圾都係同一個意大利ip, 大家小心

RachelChoi@FB

我早排收到優惠,話可免費享用6項選3項療程.前幾日上去, 約7點等到7點半先有得做. 入房啦,個美容師話免費升級做一個唔知乜鬼療程, 用左唔過5分鐘幫你清潔塊面,之後話漏左野出左去超過15分鐘,之後推左部機入黎幫你做左唔過10分鐘既深層清潔,搽左d舒緩液又走左出去超過15分鐘, 塊面乾哂都無人理, 之後再入黎幫你敷mask,敷完又再走左出去,今次勁呀,出左去成30分鐘....個半鐘內個美容師掂我塊面唔過15分鐘呀, 大部分時間係張床呆等,之後除左塊mask幫我搽左d cream就話做完~~~我話乜唔係有3項療程咩?佢話升級左就當用哂3項,乜出面同事無同我講咩?同埋做body係要book機.......你地當d客傻架? 你地個SMS寫明會做邊幾樣,仲話安排好哂治療師,房間,儀器......咁點解要book機呀??? 完全係流水式作業, 又唔夠儀器安排比客做, 瞓起張床度淨係聽到D人行黎行去同推儀器聲, 嘈到爆......之後帶左我入房話要簽名,等左10分鐘都無人入黎, 真係火都黎埋...前後搞左2個半鐘, 完全浪費我既時間, 唔係我發火都唔走得......我做咁多間facial都未試過有咁既情況.......

知唔知乜野係商品說明條例呀? 《商品說明條例》(第362章) 涵蓋的範疇於二零一三年七月十九日全面執行，以禁止商戶對消費者作出某些不良營商手法，包括就服務作出虛假商品說明、誤導性遺漏、具威嚇性的營業行為、餌誘式廣告宣傳、先誘後轉銷售行為，以及不當地接受付款......

真係要諗清楚先好上去~~~

必瘦瘦黑店

我好想同消委會投訴

kaibi1314

pspm 發表於 2015-11-16 10:19
本公司已查明此事與事實並不相符, 如再有此類失實行為, 本公司不排除從法律途徑作出申訴。並且請站長/網主 ...

我係網主, 我都幫襯過你地間垃圾
而上面講既野好多都中
基本上你地個名都幾臭, 臭到要改名叫做New Beauty
根據法律, 講事實係合法
你話你查明此事? 點樣查明?
我地網站有法律團隊, 可以同你地間黑店打官司, 打到上埋報紙就最好喇

pspm

本公司已查明此事與事實並不相符, 如再有此類失實行為, 本公司不排除從法律途徑作出申訴。並且請站長/網主把此類未經證實的言論刪除, 謝。

小優

呃人呃到可以上市, 勁!

Bethany

too bad

RubyWong@FB

我岩岩先join plan發現唔對路，唔知退唔退到。。。

必瘦瘦黑店

係 , 樓主講得好岩呀

必瘦瘦黑店

我都係受害者， join 左格仔plan,  佢地每次扣格仔都唔同，脱毛脱1part 又話要扣十格， 成100 格， bu6既時間1 分鐘都冇， 好想同消委會投訴， 萬幾蚊 都脱唔晒d 毛， d 人又好衰格， 每個人講既野都唔同版本， 每次上親去都等成粒鐘， 諗住咁大間公司唔會差得去邊啦， 唉， 仲join 左個永久脱毛， 但脱左6 次之後再book,  佢地就話永久脱毛要2個月book 1次， 每次要揾經理簽名， 好嬲呀

必瘦瘦黑店

佢地係浪豪方 30樓