幫襯左間紋眉黑店（上）
Semi.p.tattoo 中伏紋眉記(上)本身我在韓國整開眉同眼線，但由於疫情關係無得出國，所以唯有在港搵下，見呢間IG宣傳佢在韓國比賽拎過大獎，咁應該OK啦，就去試下，佢價錢都唔貴，由1680-2480不等，包一次補色，以下就係中伏的經過。
首先佢自稱係紋繡工作坊，唔受政府監管，唔需要停業，又話做完一個客即刻消毒，全程戴口罩，我問左幾次佢話係OK咁就信佢啦，佢講成個過程大約1小時，咁我都預多半個鐘，之後約左朋友食飯。
佢個地點係一個單位咁樣的，一入去，見到周圍環境好亂，好似打仗咁，似係一段時間冇執屋冇清潔咁，正當我觀察緊的時候，佢已經快速整PAT麻藥在你條眉度，話敷20-30分鐘，在我旁邊仲有一個阿姐都係敷緊眉，初初以為佢只係reception，因為佢都幾素，條眉都唔靚，後來先發現原來佢就係個師傅。
一個單位仔連埋佢有4個人，唯有諗佢應該都幾好生意，手勢唔錯，佢收完前一個錢問我整咩，我話最平個個，因為我本身都有D色，整唔到佢D空氣飄眉。佢即刻拎部電話出來俾相我睇，推介我最貴個隻咩眉，我話我本身有色，都做唔到一條條效果，最平個隻飄眉就OK，咁佢有少少不悅，叫我再等下，就叫左我隔離個阿姐埋床。
途中聽到佢都推介左阿姐洗眉，整乜整乜好耐，如是者，我由入門後一個鐘，都係呆等緊。大概再15分鐘後，終於到我，佢又sale我最貴個隻眉(前面個阿姐埋單聽到佢俾左差唔多4000蚊)，我個下已經等到有點不耐煩，問佢仲要幾耐，因為我約左朋友，佢話半個鐘就OK，仲話麻藥係要敷咁耐(我入門個陣佢明明話20-30分鐘)，然後繼續sale最貴個隻，我覺得好煩同埋都擔心揀最平佢會冇心機整，所以揀左2180個隻，希望佢快點開始。
咁一開始會畫眉先，佢唔用尺！以為佢技術好好，但照左幾次我都係覺得唔平衡，希望佢會用尺，點知佢都係再加兩筆，同我講差唔多啦，好啦，是但啦，快點整完快點走，原本我的朋友都等緊我整完睇下好唔好，我老實講真心唔推介，因為甩左焦之後，勁淡，好似冇整咁，佢咁的手藝究竟點贏個獎呢？
仲有，幾經辛苦整完，佢問我要唔要枝精華，否則就一星期唔掂得水，韓國個度整完會俾包好細的野叫你搽，咁香港可能唔包啦，都唔緊要，雖然佢冇講幾錢，最多咪100-200蚊，好啦，埋單個陣，佢枝精華，要350蚊，個下呆左一呆，咁佢都開左，咁都硬食啦……
無論時間觀念、手藝、環境，都真係唔合格，下集講埋補色事件。 黑店goldeneye beauty-旺角三百蚊貨色.攞到尖沙咀吊高來賣.整間鋪都操大陸口音.仲要人先交定用嚟D不良銷售手法.本人親身體驗.貨不對版.ins.facebook .baby kingdom.提醒各位千其唔好攞自己塊面講笑. Goldeneye Beauty 整眉好靚喎 我都係人哋介紹去 之後成日有人問我條眉係邊度整 我都介紹左好多人去
頁:
[1]