點解會係我生椰菜花?!
本帖最後由 yukiyuki1920 於 2020-5-29 15:32 編輯早排發現自己嘅陰唇同下陰生咗啲一粒粒，又唔痛唔肯所以都冇咩點為意。不過諗諗下都係覺
得check清楚好啲，於是就去咗睇醫生，證實係有咗椰菜花。:dizzy:
我無固定嘅男朋友，但有好多SP，平時收工有時會去老蘭跳舞飲酒，見到啱心水嘅one night
stand都無乜所謂，有時仲冇載套。
而家諗返真係後悔！想搵返邊一個傳俾我都好難！好心有
病就唔好出嚟玩啦！不過自己都有D責任。知道自己有呢個病之後，我係咁上網搵有關嘅資料
。
見到其實椰菜花同子宮頸癌一樣，由HPV病毒引起，好大機會係性交嘅時候受到感染，如
果有用套嘅話，就算對方真係有椰菜花，自己都未必會受到感染。
最衰自己嗰陣時俾啲仔氹多兩句，就唔載套都肯！
做人真係要識得保護自己呀！同埋喺HPV疫苗未有之前，就話惹咗只可以怪自己黑仔。而家有疫苗自己都唔去打，最後惹埋真係冇得怪邊個。唉！
人真係犯賤㗎！唔跌過就唔知痛。我依家就係過來人嘅身份話俾大家聽，一定要去打HPV，男
人女人都要。唔好以為自己性生活好有條理就唔打，唔怕一萬，只怕萬一。我知自己惹咗之後
，都即刻叫返其他同我發生過關係嘅人check下。真係好怕連累到佢哋！
有咗呢個病之後，令我諗咗好多嘢。其實自己年紀都唔使，仲成日玩下玩下咁，性伴侶多到10隻手指都數唔晒，最
後咪又係自己受返！男女都好啦，自己身體唔係玩具，亂搞男女關係真係會自作自受！有板你
睇！冇咩事我都係出返去查藥膏先。
頁:
[1]