魏雯青 發表於 2016-11-17 20:59:07

甘比最後勝利 成功被富豪得寵的五個秘訣

城中富豪劉鑾雄同呂麗君、陳凱韻(甘比)嘅三角關係一直都撲朔迷離,只知兩個紅顏知己多年來係大劉身邊周旋,大家未知邊一個可以鬥到最後成為正印。不過前日大劉就突然係全港各大報紙頭版發出聲明令到唔少人嘩然,聲明就話同呂麗君係2014年已經正式分手,並已經係2015年簽咗書面協議,內容係雙方互不相干、互不拖久、各自生活,真係完完全全咁劃清界線,亦都令外界唔使再胡亂猜測。



而家大家都知道最後贏家係邊個,但其實一睇番兩位紅顏嘅性格同表現,呢個賽果非常正路。一眾女士參考下以下幾點,話唔埋有一日你都會係某富豪嘅紅顏知己喎。

要識得知足
做人識得知足係好緊要嘅,貪得無厭又樣樣計較嘅話邊有人鍾意你丫。原來大劉係同呂麗君分手前送俾佢所有現金、首飾珠寶同禮物,加加埋埋已經超過廿億,但有人仲唔心足,連食飯貼士都要拎番,咁唔怪得啦。

最忌呷醋
雖然話呷醋係女人嘅專利,但係參加得呢個大富翁遊戲,呢樣似乎就唔係一個option啦,沉默是金,忍唔到頸嘅就唔好玩啦。

忌家事外傳
無人會鍾意自己嘅家事被周圍揚,尤其係呢類大富豪有多幾個好知己都平常丫。好似2008年嘅時候呂麗君就曾經以「劉太」嘅身份向記者發聲明話有人影響佢地家庭和諧,又多一條伏線。

唔好是非精上身
男人最怕就係成日講是非嘅女人,話說大劉日前份聲明出街之後,呂麗君基金會嘅網頁就即時有回應,話自己極心痛之餘,仲話「不管是誰寫的聲明」,擺到明單單打打。但到咗呢個地方仲點火頭,又有咩用呢?

心地要好
呢年半黎大劉身體狀況差,甘比一直貼身照顧,而且對人溫婉有禮貌;相反呂麗君就只係探過大劉十分鐘,仲成日打電話俾律師問佢嘅健康狀況,目的係咩大家都諗到。所以話心地好係幾時都係咁重要。

Peeta 發表於 2017-1-2 12:52:27

Pure is very important
頁: [1]
查看完整版本: 甘比最後勝利 成功被富豪得寵的五個秘訣