kaibi1314 發表於 2016-1-19 10:50:14

永遠不應觸及的EX

「我無意中搵到男友前女友嘅Facebook,原來係個靚女。」朋友Crystal酸溜溜地說。

「咁又點?都過咗去啦!不過你又點搵到佢前女友Facebook o架?」Brenda好奇地問。

「即係好似電腦掃毒咁,由頭到尾scan哂男友個Facebook,總會搵到d蛛絲馬跡嘅。」Crystal肯定地說。

「勁!但係你睇嚟做乜?」Brenda問。

「無做乜o架,睇完仲好唔開心,個心un住,跟住我同男友講,佢叫我唔好再睇。」Crystal頭耷耷說。

「你係咪自己攞嚟衰吖,明知睇咗會唔開心就唔好鬼睇啦,仲蠢到同男友講,唉,我都廢事理你。」Branda神氣地說。



Brenda回到家裡,不其然地打開了男友Mike的Facebook,發覺照片少得奇怪,於是好奇地問他是否隱藏了被tag的照片,Mike說一直都set了privacy,只有自己可以看見那些照片,不過剛轉了setting讓Brenda看看,一會後便會轉回「only me」。Brenda立刻像私家偵探一樣把他的Facebook極速Scan一次,很快便鎖定了一個可疑目標,畢竟女人的直覺通常都很準,接著Brenda便看著那張親暱的照片,自編自導了男友和前女友從前的甜蜜故事,忐忑了一整晚。



Brenda後悔了,有口話人無口話自己,竟然跟Crystal做了同一樣的蠢事。沒辦法,人總是犯賤,理性上知道過去的事已經過去,但感性上仍然會為此而耿耿於懷。於是Brenda整天苦口苦面,一副「你仲唔快d嚟問我咩事?」嘅樣,醒目嘅Mike當然知道唔對路,便問她究竟發生了甚麼事,最初Brenda還是如一貫女人般說:「無嘢」,但是在Mike的迫供下她終於和盤托出。



「我嗰日啊喺你Facebook見到你同前女友張相,所以咪有小小唔開心囉。。。」Brenda說。

「下?我從來都無放過同前女友嘅相喎,以前我都唔玩Facebook嘅。」Mike說。

「唔係喎,2012年嗰個生日party喎,好親密o架張相,仲想呃我。。。」Brenda說。

「哈哈哈哈哈哈哈哈,嗰個係我二家姐嚟o架傻豬!」Mike笑著說。

「咁你前女友。。。嗯,都係無嘢lu,BB我地一陣食咩好啊?」

        關於作者 小盛女
十分可愛(可憐沒人愛)的淑(熟)女,享受自嘲自諷的life style,仍然相信"Nothing is impossible"的老土金句。FB PAGE:https://www.facebook.com/littlevibrantgirl
頁: [1]
查看完整版本: 永遠不應觸及的EX